Պողոտաների խռիվ մայթերին

Երկու զույգ ոտքեր ․․․տրտում,

Անցան, գնացին՝ չմտած մի տուն,

Ասֆալտի վրա հետքեր չթողին...

Տուն կգաս նորից, քո գրքերի մեջ սուզվես

Թղթերիդ մեջ ես կերևամ վերստին,

Ծխախոտի ծուխ կդառնամ քո շուրթին,

Լուսամուտից ․․․հետ կգամ ներս:

Մայթին ընկած սլացիկ շուքը ծառի

Կիսալույսում ինձ քո ստվերն է․․․

Բարձրահասակ մեկը գալիս է հեռվից՝

Ինձ թվում է, թե այդ դո՜ւ ես երևում:

Ծառերն` բողբոջների թարթիչները բացած

Մե՜զ ․․․ հազար, հազար աչքով,

Մեր ոտքերին փարվեց հողը` խոտով իր թաց,

Մեր դեմ գի՜րկը բացեց բացատը զով.

Այրվի՜ր ինքդ քեզ, ծխա՜ քո վերքով,

Ես հպարտ կապրեմ աշխարհի վրա…

Թող կուրծքս լցվի՜ բոց ու կրակով.

Միայն աչքերիս մեջ ․․․ չերևա.

Այս գարնան հետ, այս ծաղկունքի,

Այս թռչնակի, այս առվակի,

Հետն այս երգի ու զարթոնքի

Բացվեց լեզո՜ւն իմ․․․:

Թափառում ենք փողոցներում

Ես քո սիրով, դու՝ ուրիշի,

Այրվում ենք մենք ․․․՝

Ես քո հրով դու՝ ուրիշի:

Թեկուզ բերես դու ինձ

Նոր բաժանման թախիծ

Անդարձ գնաս․․․,

Միայն արի, արի։