Երևանի Հանրապետության հրապարակում զբոսնելուց հետո դուք Facebook-ում գրառում եք անում, որ հոգնել եք տեսնել այդքան շատ իրանցի և այլ օտար զբոսաշրջիկների ձեր քաղաքում: Արդյո՞ք սա ատելության խոսք է:

Դուք ավտոմեքենա եք վարում, դիմացի մեքենան թեքվում է ձախ՝ առանց մեքենայի շրջադարձի լուսաթարթիչը միացնելու։ Դուք նկատում եք, որ ղեկին կին է և բղավում եք. «Կին է, դրա համար էլ այդպես արեց»։ Արդյո՞ք սա ատելության խոսք է:

Ձեր ընկերուհիներից մեկն ամուսնացել է այլազգի տղայի հետ: Ինստագրամում տեսնում եք նրանց լուսանկարն ու զայրացած մեկնաբանություն գրում, թե հայ աղջիկը պետք է ամուսնանա միայն հայ տղայի հետ։ Արդյո՞ք սա ատելության խոսք է:

Դուք դիտում եք տեսանյութ, որում ոստիկանները ցրում են ցույցը Երևանի փողոցներում: Այնուհետև մեկնաբանություն է հայտնվում, որում ասվում է, որ «բոլոր պատժողները պետք է այրվեն դժոխքում»՝ կառավարությանը ծառայելու համար: Արդյո՞ք սա ատելության խոսք է:

Խանութի դրամարկղի դիմաց կանգնած եք երկար հերթում: Դուք լսում եք, թե ինչպես է մի տղա հեռախոսով խոսելիս ասում, որ առջեւում կանգնած շիկահերը հիմար է եւ ուշացնում է հերթը։ Արդյո՞ք սա ատելության խոսք է:

Հայտնի աստղի հարսանեկան լուսանկարը տարածվում է համացանցում, և կանանց մի խումբ մեկնաբանություններ է գրում, որ «աստղը գեր է, և այդ շորը նրան չի սազում»: Արդյո՞ք սա ատելության խոսք է:

Ձեր աթեիստ գործընկերն անտրամաբանական է համարում ծոմապահության գաղափարը։ Նա ասում է, որ դա «ուղեղի ուղղափառությունն է»: Արդյո՞ք սա ատելության խոսք է:

Խաղահրապարակում դուք լսում եք, ինչպես է մի մայրիկ բարկանում տատանվող երեխայի վրա՝ ասելով ՝ «Դու Դաու՞ն ես»: Արդյո՞ք սա ատելության խոսք է:

Դուք դիտում եք թոք շոու, որտեղ քննարկվում է գիշերային ակումբներից մեկում մի աղջկա բռնաբարության դեպքը: Հաղորդավարն ասում է «աղջիկն է մեղավոր», քանի որ սադրիչ հագուստ է կրել և ոչ սթափ վիճակում էր: Արդյո՞ք սա ատելության խոսք է:

Ձեր բարեկամն ասում է, որ ՄԻԱՎ վարակակիր է։ Հորաքույրը պնդում է, որ հրաժարվում է սեղմել «ՄԻԱՎ-ով հիվանդի ձեռքը»։ Արդյո՞ք սա ատելության խոսք է: