Մեդիամաքսը՝ Սերգեյ Փարաջանովի թանգարանի երկարամյա բարեկամ «Ջեյ Թի Այ Արմենիա»-ի հետ համագործակցությամբ, ներկայացնում է 4 փուլից բաղկացած մրցանակային թեստ-խաղ՝ նվիրված կինոռեժիսոր Սերգեյ Փարաջանովին եւ նրա թանգարանին։
Յուրաքանչյուր փուլում մասնակիցները բոլոր հարցերին պատասխանելուց հետո պետք է գրանցվեն՝ պարտադիր նշելով իրենց ամբողջական եւ իրական անունը եւ ազգանունը, վավեր էլ.փոստի հասցեն ու վավեր հեռախոսահամարը: Այս պայմանը խախտած մասնակիցները կորակազրկվեն:
Յուրաքանչյուր փուլում մասնակիցները կուտակում են միավորներ:
Չորս թեստ-խաղի արդյունքում ամենաշատ միավորներ վաստակած մասնակիցը կարժանանա «Փարաջանովը եւ նրա թանգարանը» գլխավոր մրցանակին. հանդիպում թանգարանի տնօրենի հետ, հատուկ անվանական էքսկուրսիա, թանգարանի հրատարակած «Փարաջանովի գեղադիտակը» գիրք ալբոմը:
Բարձր միավորներ վաստակած այլ մասնակիցների համար նախատեսված են հետեւյալ մրցանակները.
• «Սերգեյ Փարաջանովը Յուրի Մեչիտովի լուսանկարներում և պատմություններում» գիրքը
• Փարաջանովյան «Պատրաստված է բանտում» խաղաքարտեր
17 Դեկտեմբերի 2025
Մասնակցելով թեստ-խաղին՝ մասնակիցները համաձայնում են, որ իրենց անձնական տվյալները կարող են մշակվել՝ ՀՀ օրենսդրությանը չհակասող եղանակով:
Մրցանակային թեստ-խաղին կարելի է մասնակցել 2025թ. դեկտեմբերի 6-ից 2025թ. դեկտեմբերի 29-ը ներառյալ:
Մրցանակային թեստ-խաղի հաղթողների անունները կհրապարակվեն 2026թ. հունվարի 12-ին:
